வருத்தமான செய்தி

வருத்தமான செய்தி

பரங்கிப்பேட்டை நகுதா மரைக்காயர் தெருவை சேர்ந்த சகோதரர் ஷாகுல் ஹமீது நேற்று மரணமடைந்துள்ளார்.

இறைவன் அவரது முடிவை சவுதியில் வைத்துள்ளான். இன்னாலில்லாஹி... (நாம் இறைவனுக்குரியவர்கள் அவனிடமே திரும்பி செல்வோம்)

நேற்று 4-8-07 இரவு தம்மாமிலிருந்து ரியாத் சென்றுக் கொண்டிருந்த போது (ஷாகுல் ஹமீது அவர்கள் தான் டிரைவ் செய்துள்ளார். இதர இரு தமிழ் சகோதரர்கள் இரு பங்களாதேஷ் காரர்கள் என்று கேள்வி) வழியில் ஒரு டிரயிலரில் இவர்கள் சென்ற கார் மோதியுள்ளது. ஷாகுல் ஹமீத் ரியாத்தில் மருத்துவமனையில் சேர்க்கப்பட்டு இன்று மரணமடைந்துள்ளார்.

என்னோடு பழகிய அந்த நண்பர் பற்றிய சில நினைவுகள்.

94-95வாக்கில் அவருடன் தொடர்பு ஏற்பட்டது. அப்போதெல்லாம் தப்லீக் இயக்கத்தில் செயலாற்றியவர். நம்மோடு ஏற்பட்ட பழக்கத்திற்கு பிறகு தவ்ஹீத் சிந்தனையால் ஈர்க்கப்பட்டார். இஸ்லாம் குறித்து அவ்வப்போது என்னோடு கலந்துப் பேசுவார். நான் சவுதி வந்த பிறகு அவருடன் தொடர்பு இல்லாமல் இருந்தது. ஓராண்டுக்கு முன் அல்ஹஸாவில் அவரை சந்தித்தேன். பழைய நினைவுகளையும் அன்றைய சூழலையும் கலந்துக் கொண்டோம். (ஒரு மட்டன் கடையில் எங்கள் சந்திப்பு நடந்தது)

பிறகு அப்கீக் என்ற ஊரில் ஒரு கேஃப்டிரியா ஆரம்பித்து சில காலம் நடத்தியுள்ளார். அதுவரை எனக்கு தெரியும். இன்றைக்குதான் அவர் டிரைவராக சொந்த தொழில் செய்துவந்தது தெரியவந்தது (அவரது மரணத்திற்கு பிறகு)

பழக இனிமையான நண்பர். அவரது தந்தையாரும் - அவரும் இஸ்லாமிய சிந்தனையில் நிறைந்தவர்கள்.

இன்றைக்கு அவரை இழந்து நிற்கும் அவரது குடும்பத்திற்கும் நண்பர்களுக்கும் ஆழ்ந்த அணுதாபத்தைத் தெரிவித்துக் கொள்கிறேன்.
நண்பர்களே.. சகோதரர்களே அந்த சகோதரனின் கப்ர் வாழ்க்கை மற்றும் மறுமை வாழ்க்கைக்காக பிரார்த்தியுங்கள்.

சகோதரன்
நிஜாம்