அக்டோபர் மாதம் நடைபெறும் ஆசிரியர் கல்வி பட்டய சான்றிதழ் தேர்வுக்கு, வரும் 27ம் தேதி முதல் விண்ணப்பிக்கலாம் என்று அறிவிக்கப்பட்டுள்ளது. இது குறித்து அரசு தேர்வுத்துறை இயக்குனர் வசந்தி வெளியிட்ட செய்திக் குறிப்பு:
முதல் மற்றும் இரண்டாம் ஆண்டுக்கான பாடங்களில் தேர்வெழுத தகுதி வாய்ந்த தனித் தேர்வர்கள், பள்ளிகளில் காலமுறை ஊதியத்தில் பணிபுரியும் தொழிலாசிரியர்கள், அருகில் உள்ள மாவட்ட ஆசிரியர் கல்வி மற்றும் பயிற்சி நிறுவனத்தில் இருந்து வரும் 27ம் தேதி முதல் 31ம் தேதி வரை விண்ணப்பங்களை பெற்று விண்ணப்பிக்கலாம்.
பூர்த்தி செய்த விண்ணப்பங்களை, வெற்று விண்ணப்பங்களை பெற்ற ஆசிரியர் பயிற்சிப் பள்ளியிலேயே நேரில் சமர்ப்பிக்க வேண்டும்.
அனைத்து தனித் தேர்வர்களும், முதலாம் ஆண்டிற்குரிய மூன்று பாடங்கள் மற்றும் இரண்டாம் ஆண்டிற்குரிய ஐந்து பாடங்களில், 2001 & 02ல் அறிமுகப்படுத்தப்பட்ட புதிய பாடத் திட்டத்தின் அடிப்படையில் தேர்வெழுத வேண்டும்.
