தமிழகத்திலிருந்து 10 ஆயிரம் பேர் ஹஜ் செல்ல அனுமதி பெற வேண்டும்
இந்திய தேசிய லீக் கோரிக்கை
இந்திய தேசிய லீக் மாநில தலைவர் எம். பஷீர் அகமது விடுத்துள்ள அறிக்கையில் கூறியிருப்பதாவது:-
மத்திய மந்திரி பிரணாப் முகர்ஜி ஒரு நாட்டில் வாழும் முஸ்லிம்களில் ஆயிரம் பேரில் ஒருவருக்கு ஹஜ் பயணம் செல்ல சவுதி அரேபியா அனுமதி அளித்து வருகிறது.
அதன்படி இந்தியாவில் 14.70 கோடி முஸ்லிம்கள் இருப்பதால் ஒரு லட்சத்து 47 ஆயிரம் பேருக்கு அனுமதி உள்ளது என்று கூறியுள்ளார். ஆனால் இந்தியாவில் 22 கோடி முஸ்லிம்களும் தமிழகத்தில் ஒரு கோடி முஸ்லிம்களும் வாழ்கிறார்கள்.
எனவே தமிழக அரசு தமிழகத்திலிருந்து 10 ஆயிரம் பேர் ஹஜ் பயணம் செல்ல அனுமதி பெற்றுத் தர வேண்டும்.
இவ்வாறு அவர் கூறியுள்ளார்.
