ரெயில்வேயில் வேலை

ரெயில்வேயில் 53,500 பேருக்கு வேலை

மத்திய ரெயில்வே இணை மந்திரி வேலு பாராளுமன்றத்தில் ஒரு கேள்விக்கு எழுத்து பூர்வமாக அளித்த பதில் வருமாறு:-

ரெயில்வே துறையில் குரூப்-டி பிரிவில் 53 ஆயிரத்து 500 பேருக்கு வேலைவாய்ப்பு அளிக்கப்பட உள்ளது.

மத்திய ரெயில்வேயில் 6 ஆயிரத்து 413 பதவியும், கிழக்கு ரெயில்வேயில் 5 ஆயிரத்து 124 பதவியும், வடக்கு ரெயில்வேயில் 8 ஆயிரத்து 366 பதவியும், மேற்கு ரெயில்வேயில் 8 ஆயிரத்து 250 பதவியும் நிரப்பப்பட இருக்கின்றன.

மத்திய கிழக்கு ரெயில்வேயில் 7 ஆயிரத்து 643 பதவியும், கிழக்கு கடற்கரை ரெயில்வேயில் 5 ஆயிரத்து 200 பதவியும், வடமேற்கு ரெயில்வேயில் 4 ஆயிரத்து 787 பதவியும், மத்திய தென்கிழக்கு ரெயில்வேயில் 3 ஆயிரத்து 16 பதவியும், தென்மேற்கு ரெயில்வேயில் 4 ஆயிரத்து 701 பதவியும் நிரப்பப்பட உள்ளன. இந்த பதவிகள் விரைவில் நிரப்பப்படும்.

இதில் மத்திய தென் கிழக்கு ரெயில்வே 2 ஆயிரத்து 466 பேரையும், மேற்கு ரெயில்வே 8 ஆயிரத்து 109 பேரையும், மேற்கு ரெயில்வே 8 ஆயிரத்து 109 பேரையும் எழுத்து தேர்வு மற்றும் நேர்முக தேர்வு மூலம் தேர்வு செய்து விட்டன.

வடக்கு ரெயில்வே தேர்வு சில காரணங்களுக்காக ரத்து செய்யப்பட்டு விட்டது. விரைவில் அதற்கான தேர்வு நடக்கும்.

இவ்வாறு வேலு தெரிவித்தார்.